பொம்மை

பொம்மை என்ற நூலைப் பற்றி

ஓவியம் வரைய உட்காரும்போது என்ன வரைய வேண்டும் என்ற எந்த யோசனையும் இல்லாமலேதான் உட்காருகிறேன்.

சில மலைகள் வரைய விரும்பினால் வரைகிறேன்.

பிறகு அந்த மலையில் நிலவும் காலநிலை பற்றி யோசிக்கிறேன்.

வெயில் அல்லது மழையைத் தேர்வு செய்து வரைகிறேன்.

மலையில் இருக்கும் சில விலங்குகளையும் பறவைகளையும் நினைத்துப் பார்க்கிறேன்.

அங்கு வாழும் மனிதர்கள் பற்றி யோசிக்கிறேன். மலைகளில் துவங்கி இப்படித் தொடர்ந்து வரைந்து ஒரு ஓவியத்தை நிறைவு செய்கிறேன்.

எனது எட்டு வயதில் அதிகமான ஓவியங்களை இப்படித்தான் வரைந்து கொண்டிருந்தேன்.

வரைந்த ஓவியங்களை பார்ப்பதற்குக்கூட நேரம் ஒதுக்காமல் அறை முழுவதும் காகிதங்களை ஓவியங்களாக மாற்றி நிறைத்துக் கொண்டே இருப்பேன்.

வரைவதில் மகிழ்ச்சியாக இருந்துகொண்டிருந்தேன்.

பல வருடங்களுக்குப் பிறகு இப்போது என்னால் அப்படி வரைய முடிகிறது.

தோழி கார்த்திகாவின் குழந்தைகளுக்கான ஓவியப் பயிற்சிப்பட்டறையில் துவங்கிய இந்த வண்ணப்படக் கதைப் புத்தகத்தில் ஸந்தீப்புடன் சிறுவன் முகிலனும் சிறுமி சஹானாவும் இடம் பெறுகிறார்கள்.

காய்ந்த மரம், பேசும் புத்தகம், கிளியோ என குழந்தைகளின் உலகத்தை கதையாக்கி வந்த சிறுவன் ஸ்ரீஹரி முதல்முறையாக இந்தப் புத்தகத்தில் பொம்மைகளோடு வாழும் ரகு என்ற மனிதனின் கதையை எழுதியுள்ளார்.

பிற குட்டி ஆகாயம் நூல்கள்