மரபு மருத்துவம்

மரபு மருத்துவம் என்ற நூலைக் குறித்து

எத்தனையோ நவீன அறிவியல் வளர்ச்சிகள் உலகைப் பெருமளவு மாற்றிவிட்ட அதேநேரம், அவற்றின் எதிர்விளைவாக உடல்நலம், சுகாதாரம், மருத்துவம் சார்ந்த பிரச்சனைகளும் அதிகரித்தேவிட்டன.

நவீன மருத்துவ வளர்ச்சியால் மனித ஆயுள் நிச்சயமாகக் கூடியுள்ளது.

அதேநேரம், வாழும் காலத்தின் பெரும் பகுதியை நோயுடன் கழிக்க வேண்டிய நெருக்கடியும் மனிதர்களுக்கு ஏற்பட்டுள்ளது.

முன்பெல்லாம் தொற்றுநோய்கள் மனித உயிரை கொத்துக்கொத்தாகக் குடித்தன.

இன்றைக்குத் தொற்றுநோய்கள் பெரும் எண்ணிக்கையில் ஆட்களைக் கொல்லுவது குறைந்திருக்கிறது.

மாறாக, தொற்றாத நோய்கள் வாழ்நாளின் பெரும்பகுதியை கொஞ்சம் கொஞ்சமாகத் தின்றுவிடும் சூழ்நிலை உருவாகிவிட்டது.

இந்த பின்னணியில் ‘உணவே மருந்து, மருந்தே உணவு’ என்ற தத்துவத்தின் அடிப்படையைக் கொண்ட நம் மண்ணின் மருத்துவம் இந்தப் பிரச்சனைகளுக்குத் தீர்வு காண உதவும்.

அந்த வகையில் தமிழ் மருத்துவ முறையான சித்த மருத்துவம் பல்வேறு வகைகளில் பலனளிப்பதைப் பார்க்க முடிகிறது.

அன்றாட வாழ்க்கையில் சந்திக்கும் பல்வேறு பிரச்சனைகளுக்கு எளிய சிகிச்சைகளை இந்த நூல் முன்வைக்கிறது.

பொது மருத்துவப் பிரச்சனைகள், நோய்கள், வாழ்க்கைமுறை, போன்றவற்றை சித்த மருத்துவ அடிப்படையில் சீரமைத்துக்கொள்ளவும் இந்த நூல் வழிகாட்டுகிறது.

சித்த மருத்துவத்தின் முக்கிய அம்சங்களை எளிமையாகவும் சுவாரசியமாகவும் இந்தக் கட்டுரைகள் பேசுகின்றன.

அரசு சித்த மருத்துவரானா டாக்டர் வி. விக்ரம்குமார், கவனம் பெற்றுவரும் சித்த மருத்துவ எழுத்தாளர்களில் குறிப்பிடத்தக்கவர்.

உடல்நல, மருத்துவக் கருத்துகளை அயர்ச்சி தராத வகையில் எழுதியுள்ளார்.

ஆரோக்கியம் காப்பதில் சித்த மருத்துவம் உள்ளிட்ட மரபு மருத்துவ முறைகள் சார்ந்த புரிதலை அதிகப்படுத்தி, புதிய வாசலை இந்தப் புத்தகம் திறந்து வைக்கும் என்று எதிர்பார்க்கிறோம்.

பிற DR.வி.விக்ரம் குமார் நூல்கள்